Follow Us:

የኢትዮጲያን ሙስሊሞች የዘመናት ጥያቄዎች ከነበሩት አንዱ የሆነው መጅሊስ በህዝብ በተመረጡ አካላት ይመራ የሚለው መልስ በማግኘቱ ከኢማስ የተሰጠ የእንኳን ደስ ያላችሁ መግለጫ 

የአትዮጵያ እስልምና ጉዳዮች ጠቅላይ ምክር ቤት ሐምሌ 11 ቀን 2014 ኢትዮጵያን ሙስሊሞች ተቋማዊ ለውጥና አንድነት ሁለተኛው ዙር አገር አቀፍ ጉባኤ በማካሄድ ለቀጣይ ሶስት አመታት የሚያገለግሉ የምክር ቤቱን የጠቅላላ ጉባኤ እና የሥራ አስፈፃሚ አባላትን በመምረጥ የጠቅላይ ምክር ቤቱን አመራሮች በመሠየም የምርጫ ሂደቱ በሰላም ማጠናቀቁን በመግለፁ ከፍተኛ ደስታ የተሰማን መሆኑን ለመግለፅ እንወዳለን::

የጠቅላይ ምክር ቤቱ ፕሬዚዳንት በመሆን ለተመረጡት ሸኽ ሐጅ ኢብራሂም ቱፋና ምክትል ሆነው ለተመረጡት ሸኽ አብዱል ከሪም በድረዲን እንዲሁም ለሁሉም ባልደረቦቻቸው በሙሉ በተሰጣቸው ለሶስት ዓመት የሚቆይ ኃላፊነት ብዙ ስራ የሚጠበቅባችሁ በመሆኑ ሙስሊሙን አንድ አድርጋችሁ ማህበረሰባችን እና ሃገራችንን የሚጠቅም ስራ እንድትሰሩ እንዲሁም ጠንካራ ተቋማዊ አሰራርን ገንብታችሁ ለቀጣይ ትውልድ እንድታስርክቡ ማህበራችን ከወዲሁ እያሳሰበ መልካም ምኞቱንም ይገልፃል::

የጉባኤው አባላት የመረጣቸው የሥራ አስፈፃሚዎች ቢሮ ተረክበው ሥራ መጀመራቸው ያስደሰተን ሲሆን በመንግስትም በኩል እስካሁን ለጉባኤው መሳካት እንዳሳየው ትግስት የተሞላበት የፀጥታ ማስከበር ኃላፊነቱን በቀጣይም ከህጋዊ የመጅሊሱ አመራሮች ጎን በመቆም አጠናክሮ እንዲቀጥልና ማንኛውንም አስፈላጊ ትብብር እንዲያደርግላቸው በትህትና እንጠይቃለን::

ሕዝበ ሙስሊሙም በቀጣይ ከአዲሱ አመራር ጋር በመሆን መሪ ተቋሙን እንዲያጠናክርና የህዝበ ሙስሊሙ የረጅም ጊዜ ህልምና ጥያቄ የሆነውን ጠንካራ ኢስላማዊ ተቋም በመመስረት ላይ እንዲያግዝ እያሳሰብን ኮሚኒቲያችን ጠቅላይ ምክር ቤቱ እንዲጠናከርና አንድነቱን ጠብቆ እንዲቀጥል ሁሌም በተፈለገበት ጉዳይ አብሮ የሚሠራ መሆኑን እያሳወቀ የእንኳን ደስ ያላችሁ መልዕክቱን ያስተላልፋል፡፡

አላህ ሀገራችን ይጠብቅልን!

ኢማስ
ሃምሌ 19/2022 

Share This:

Leave Your Comments

Your email address will not be published.

EMAS Copyright© 2022 | Made by AddisWay